Уште едно лице почина од повредите задобиени во сообраќајката кај Страцин

Две лица од кратовското село Железница го загубија животот, а едно лице од Битола е тешко повредено во сообраќајната несреќа на магистралниот пат Куманово - Крива Паланка, на место викано „Чешмиче“, пред с.Страцин.

Според соопштението на МВР, сообраќајката се случила вчера во 9.40 часот помеѓу патничко возило „фиат пунто“, со кумановски регистарски ознаки, управувано од Б.Ѓ.(55) од с.Железница и патничко возило „фиат пунто“, со кратовски регистарски ознаки, управувано од И.М.(26) од Битола.

Во незгодата од здобиените повреди починал Б.Ѓ., додека сопатникот од истото возило Ф.Ѓ.(23) од с.Железница и И.М. од другото возило биле пренесени во Комплекс клиники „Мајка Тереза“ во Скопје за укажување на лекарска помош. Ф.Ѓ. починал од задобиените повреди.

Извршен бил увид на местото на настанот од Јавен обвинител и увидна екипа од СВР Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk