Зачленете се во нашиот клуб на читатели и најновите текстови ќе ги добивате на вашата мејл адреса
Вандали уништиле дел од опремата на летњиковците, коишто Општина Куманово ги гради на излетничкото место во м.в. Студена Вода.
Градоначалникот Максим Димитриевски, денеска апелираше да престане вандалското однесување на поединци, но ги повика граѓаните да пријават доколу виделе кој го сторил тоа, а полицијата да ги открие сторителите.
„Најостро го осудувам вандалскиот чин на уништување на урбаната опрема која е во фаза на градба на локалитетот Студена Вода во с.Доброшане. На оваа локација која има историско значење за нашиот град и држава од периодот на НОБ Општината гради викенд населба која треба да биде во функција на граѓаните за дневни прошетки и викенд дружби. Апелирам да си го пазиме и чуваме заедничкиот општествен имот а надлежните од МВР да ги пронајдат сторителите на овој вандалски чин. Ќе следува пријава против НН сторител, доколку некој граѓанин има сознание за овој вандалски чин го молам да пријави во општината и СВР Куманово“, - напиша Димитриевски.
Ова не е првпат во градот да се уништува се што има општокорисна функција. На мета на вандалите се клупите во парковите, канделабри, контејнери, жардиниери. Досега сторителите се откриени.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk