Собранието ги усвои законските измени за минимална плата од 18 илјади денари

Собранието денеска ги усвои законските измени со кои минималната плата се зголеми од 15 на 18 илјади денари. 

Законските измени се донесоа по скратена постапка, гласаа 90 пратеници, сите „за“.

Со законските измени, се очекува околу 80 илјади работници во април да земат покачена минимална плата. За помош на фирмите за зголемување на минималната плата во буџетот се предвидени 16 милиони евра, кои ќе се искористат за покривање на разликата во придонесите во првата година.

Со измените се менува и методологијата за годишното усогласување на минималната плата, па така ќе има тековно усогласување на минималната плата со годишниот раст на просечната плата и на трошоците за живот. Висината на минималната плата не смее да биде пониска од 57 отсто од просечната плата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk