Утре ќе биде пуштена во употреба железничката пруга Куманово - Бељаковце

По завршување на градежните работи утре ќе биде пуштена во употреба железничката пруга Куманово - Бељаковце- Коридор 8 Источна делница.

На свеченоста ќе присуствува премиерот Христијан Мицкоски, и ќе ја пушти во употреба железничката пруга Куманово - Бељаковце.

Пругата Куманово - Бељаковце е со должина од 30.8 километри и на неа се изградени 3 нови железнички станици (Ново Куманово, реконструирана постоечката железничка станица Куманово, 6 стојалишта, 5 мостови, 1 тунел, пропусти со различен дијаметар, заштита на наклони, одводни канали, пристапни патишта, звучни бариери, потпорни ѕидови, горен строј и сигнализација и телекомуникација.  

На железничките станици и стојалишта е инсталирана сигнално -телекомуникациска опрема во вредност од 10.000.000 евра, алуминиумски седишта, челични настрешници, дисплеи, лед осветлување.

Новинарите заедно со премиерот Мицкоски и министерот за транспорт Николоски  први ќе се возат по ново изградената железничка пруга. 

 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk