Зачленете се во нашиот клуб на читатели и најновите текстови ќе ги добивате на вашата мејл адреса
Во населбата Биљановце во Куманово, утре ќе се одржи првата ХСО крос-кантри велосипедска трка.
Настанот е во организација на новоформираниот велосипедскиот клуб Кросс Сајклинг од Куманово и ќе започне во 10 часот. Од клубот најавија дека имаат одлична кружна патека во должина од 3.3 километри со вкупна елевација од 142 метри. На трката ќе се натпреваруваат околу осумдесетина учесници каде што во „Елит“ конкуренцијата ќе возат 6 круга, „Мастерс“ и женска конкуренција возат 5 круга, кадетите ќе извозат 4 круга и хоби учесниците ќе ја завршат трката со 2 круга.
Манифестацијата започнува во 10 часот и ќе се одржи на патот за стрелиштето на АРМ. Трката за деца до 10 години е прва и ќе извозат два круга. Хоби класата е во 11 часот а главната трка треба да започне во 12 часот. Сите љубители на велосипедизмот можат да се пријават на лице место и да учествуваат во „хоби“ конкуренцијата доколку имаат технички исправен велосипед и кацига. Ги повикувам сите да дојдат и да бидат дел од овој настан - изјави Емил Цветанов, претседател на клубот.
Крајниот исход од трката ќе се бодува на ранг-листата на Велосипедската федерација на Македонија.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk