Велики петок, најтажниот ден во христијанството

Во сите храмови на православната црква денеска се одбележува Велики Петок или Распети петок, денот кога Исус бил фатен, мачен и распнат на крст.

Според преданието, Христос починал на крст во „шестиот час на денот, а завесата на ерусалимскиот храм се преполовила, сонцето се замрачило, мртвите станале од гробовите, а сите ѕвона се распукале“.

Велики петок е строг пост со вода, а многу верници не пијат и не јадат да зајдисонце.

Покрај постот, на денот на христијанската жалост не се работи по дома, ниту на поле.Обичај е тој ден да се вапцуваат велигденски јајца.

Според христијанското учење, страдањето му предходи на воскресението, а без страдање и смрт нема воскресение.

Во Македонија Велики петок е неработен ден за граѓаните од православна вероисповест.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk