Зачленете се во нашиот клуб на читатели и најновите текстови ќе ги добивате на вашата мејл адреса
На денешната седница на Советот на Општина Куманово верификуван е мандадот на советникот Самет Салиевски од СДСМ, кој доаѓа на местото на Максим Димитриевски.
Салиевски пред советниците даде свечена заклетва дека совесно и одговорно ќе ја извршува функцијата.
„Иако остана кратко време, уште неколку месеци до завршување на мандатот, ќе дадам се од себе за што поголем допринес на работата во Советот. Како член на СДСМ ќе ја спроведувам програмата на локалната самоуправа во интерес на сите граѓани, а пред се за прашањата што ги засегаат претставниците од ромската заедница,- изјави Салиевски.
Колегите му ја честитаа новата функција на Салиевски, но побараа да поднесе оставка во управните и надзорни одбори за да нема судир на интереси со новата функција.
Салиевски е вработен во ЈП „Чистота и Зеленило„, долгогодишен спортист и претседател на КУД „Рушид Шакир“.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk