Зачленете се во нашиот клуб на читатели и најновите текстови ќе ги добивате на вашата мејл адреса
Верижен судир на четири возила се случил вчера попладне на автопатот Скопје-Куманово, кај наплатната рампа Романовце.
Во сообраќајката учествувале „комби“ со бугарски таблички управувано од Н.С.(46) од Куманово, „форд орион“ кој го возел Д.А.(39) од с. Ваксинце, “авео” управувано од Н.П.(39) од Скопје и “киа” што ја возел Б.Б.(33) од Куманово.
Возачот од Ваксинце превезувал четворица мигранти, од кои двајца со возачот побегнале. Останатите двајца се приведени во СВР Куманово и по извршениот разговор било утврдено дека се државјани на Сирија. Тие признале дека илегално влегле во Македонија и се упатиле кон Куманово, при што го запреле „фордот“ и со возачот се договориле за 400 евра да ги превезе до с.Лојане.
Во несреќата со повреди се здобиле Н.С., еден сопатник од возилата и еден од мигрантите. По укажаната лекарска помош тие се пуштени на домашно лекување.
По преземени мерки пронајден е Д.А. и против него ќе биде поднесена соодветна пријава.
Мигрантите се сместени во Прифатниот центар за странци во Скопје и се преземаат мерки за расчистување на случајот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk