Зачленете се во нашиот клуб на читатели и најновите текстови ќе ги добивате на вашата мејл адреса
Ветерот што вчера го зафати поголем дел од земјата достигнал ураганска јачина во Скопје, Штип и Струмица, соопшти Управата за хидрометеоролошки работи (УХМР).
„Оркан, односно ураган, според класификацијата за јачина на ветерот, претставува ветер чија брзина надминува 118 километри на час. Тоа е екстремно силен ветер кој на ова подрачје се јавува многу ретко и предизвикува големи разурнувања и значителни штети“, соопшти УХМР.
Според податоците од автоматските метеоролошки станици, во Штип во 17:00 часот е регистриран максимален удар на ветер од 134 km/h од правец запад-северозапад.
Во Скопската Котлина, во 16:10 часот, е измерен максимален удар на ветер од 130 km/h од правец север-северозапад, а иста брзина е регистрирана и во Ново Село, Струмичко, во 17:50 часот, од правец северозапад.
За Куманово, каде вчерашното невреме предизвика голема материјална штета, УХМР не објави податоци за максималната брзина на ветерот.
2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk