Вежба за спасување од поплави ќе се одржи во Куманово

Теренска симулативна вежба – поплава со повредени, давеници и повредени бремени жени, во огранизација на Општина Куманово и Регионален центар за управување со кризи, Министерство за здравство, Светска здравствена организација и Фонд за население на Обединети Нации, утре (среда) во 12 часот ќе се одржи во паркот зад Автобуската станица.

 Вежбата „Поплава со поголем број повредени и давеници“ ќе се спроведе на локација -улица „Братство и Единство“, на речното корито на реката Липковка, паркот спроти Автобуска Станица. Цел на симулационата вежба е да се тестираат посебните Стандардни оперативни процедури (СОП) од Планот за подготвеност и одговор на здравствениот систем при справување со итни, кризни состојби и катастрофи на Република Македонија и Планот за одговор при кризни состојби на ЈЗУ Општа Болница Куманово,- соопштуваат од Општината.

Учесници на симулативнатата вежба ќе бидат: Итна медицинска помош при Здравствен дом – Куманово, Општа Болница – Куманово, Црвен Крст на РМ, Црвен Крст на ОО Куманово и ТППЕ Куманово, Општина Куманово, СВР Куманово, РЦУК – Куманово, ДЗС ПОЗС – Куманово и НВО ХЕРА.

Од Општина Куманово ги информираат граѓаните дека утрешната вежба е симулација на непогода, за да не се создава паника и погрешна проценка на настанот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk