Зачленете се во нашиот клуб на читатели и најновите текстови ќе ги добивате на вашата мејл адреса
Владата ја објави листата на фирми кои зеле финансиска поддршка од државата, а не ја исполниле обврската за исплата на плати.
Во информацијата на владината веб страна заедно со линкот се наоѓаат имињата на компании од Куманово, Старо Нагоричане и Липково.
Од Управата за јавни приходи попледнево појаснуваат дека не се точни наводите дека газдите на фирмите не исплатиле 10 милиони евра државната помош на вработените, по основ на минималец.
„Како што објавивме на прес конференцијата во вторник вкупно 281 работодавачи кои примиле финансиска поддршка за месец април 2020 во износ од 9.995.565 денари, не ја исполниле обврската за исплата на плата за 722 вработени, односно за месец мај вкупно 427 компании воопшто не исплатиле плата за 984 вработени, а добиле финансиска поддршка во износ од 13.698.998 денари“, соопштуваат од УЈП.
Управата за јавни приходи податоците за обврзниците кои не исплатиле плата, а примиле финансиска поддршка, ги доставува до Генералниот секретаријат на Владата на Република Северна Македонија, односно и двете институции располагаат со исти податоци и иста сума на исплатена финансиска поддршка кон овие компании.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk