Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ Куманово денеска на прес-конференција го обвинија градоначалникот Зоран Дамјановски, дека иако ветил за локалните избори сеуште не ја асфалтирал улицата “Пелинска“.
Велат дека оваа улица е раскопана, непроодна, местото е полно со смет, прав и е целосно заборавено од локалната власт.
Познато е дека многу често отпадната вода избива на површината како последица на недоволниот капацитет на канализациона цевка и честите дефекти на мрежата. Како резултат на тоа се шири неподнослива миризба и животот на луѓето што живеат во непосредна близина станува неподнослив. Паркинг простор речиси и да не постои, така да секој како знае и умее го паркира своето возило. Во оваа пригода би сакале да потсетиме дека актуелниот градоначалник во својата програма од локалните избори 2013 година вети асфалтирање на оваа улица. Како што може да се види улицата е во уште полоша состојба од порано - изјави Срѓан Ивановски од ОК на ВМРО-ДПМНЕ Куманово.
Ивановски додава дека градоначалникот дозволува насекаде да никнуваат згради со што дополнително проблемот се комплицира.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk