Зачленете се во нашиот клуб на читатели и најновите текстови ќе ги добивате на вашата мејл адреса
Општинскиот комитет на ВМРО-ДПМНЕ ја обвини локалната власт дека со реконструкција на улицата „Среќко Пужаљка„ ја загрозува безбедноста на граѓаните и учениците кои секојдневно поминуваат во тој дел на градот.
„Деновиве сме сведоци како на големо, се врши реконструкција на улицата Среќко Пужаљка која поминува покрај три станбени згради, педесетина куќи, три училишта и една градинка. Конечно, по толку години, локалната власт предводена од СДС, покажа разбирање и се зафати со решавање на наталожените проблеми на жителите на оваа улица. Но со решавање на едни, очигледно Зоран Дамјановски и СДС се склони кон создавање на нови уште поголеми проблеми. Во овој случај тоа е проблемот со безбедноста на граѓаните. Имено секојдневно, а посебно вчера наутро учениците и децата што одат во оваа градинка, директно беа загрозени од отворените шахти, поголеми дупки и остри остатоци од цевки и градежни алатки распослани по целата улица“,- Срѓан Ивановски - портпарол на ВМРО-ДПМНЕ ОК Куманово.
Ивановски праша кој ќе одговара ако некој од минувачите се повреди и зошто улицата не е затворена за минување, додека не се обезбеди сигурно движење на граѓаните.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk