Зачленете се во нашиот клуб на читатели и најновите текстови ќе ги добивате на вашата мејл адреса
Од месниот комитет на ВМРО-ДПМНЕ во селото Проевце, денеска на прес-конференција го обвинија градоначалникот на Куманово, Зоран Дамјановски дека заради неговото неодговорно владеење живеат како во 19-ти век.
Тие велат дека Дамјановски доаѓа во селото само пред избори, а од ветеното ништо не реализирал. Сметаат дека градоначалникот ги игнорира и ги третира како граѓани од втор ред.
“ Проевце се соочува со неизградена патна инфраструктура, проблеми со канализација и водоснабдување. И додека граѓаните на оваа населба се соочуваат со овие проблеми, Зоран Дамјановски, без ни малку срам и одговорност, продолжува со неговата негрижа кон граѓаните и неговото неработење. Тука во Проевце, Дамјановски не го одржа своето ветување да изгради пат од Проевце низ Бејтови Ниви до маркетот Туш. Ветувањето беше пред избори, но завршија изборите, и толку од патот и од Дамјановски. Исто е и со неговото ветување за канализациската мрежа низ Бејтови Ниви и Проевце како и за ветувањето за подобрување на водоводната мрежа“-вели Викторија Георгиевска, жител на Проевце.
Жителите на Проевце го повикаа Дамјановски да не ги дели граѓаните и да се зафати со решавање на нивните проблеми.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk