Зачленете се во нашиот клуб на читатели и најновите текстови ќе ги добивате на вашата мејл адреса
Од општинскиот комитет на ВМРО-ДПМНЕ Куманово, денеска ја обвинија локалната самоуправа дека наместо да се грижи за локалните и комунални проблеми, организира шарена револуција во градот.
Како пример ја посочија улицата „Народна револуција“, каде жителите секојдневно се движат по коловоз наместо по тротоари и обележани пешачки премини, поради што е нарушена безбедноста на сите учесници во сообраќајот.
„Општинскиот комитет на ВМРО-ДПМНЕ Куманово, од улица „Народна Револуција“, ги известува лажните револуционери - Дамјановски и Димитриевски дека зараснативе површини, ситниве депонии, асфалтни дупки и особено необележани пешачки премини не се шарена илузија произведена од новинарските камери и фотоапарати. Ниту пак некаква партиска герила преку ноќ ги однела тротоарите коишто некогаш постоеле, туку се ШАРЕН ПРОИЗВОД на ШАРЕНИТЕ ЛАГИ на локалните власти и вдомените партиски послушници коишто неморално секојдневно, одобруваат уништување и уништуваат државен имот!“, - рече Срѓан Ивановски од ВМРО-ДПМНЕ.
Од партијата побараа побрзо решавање на проблемите на оваа улица.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk