Внимавајте, камерите ловат прекршоци

 Камерите поставени на Градскиот плоштад и на неколку раскрсници во градот, ги регистрираат прекршоците што се прават во сообраќајот.

Од МВР објаснуваат дека видео надзорот има за цел да ги спречи сообраќајните прекршоци на пешаците и возачите.

Увид во видео материјалите имаат стручни полициски службеници, кои по потреба ќе интервенираат и ќе ги казнуваат прекршителите.

Прекршителите прво ќе добијат предупредување, а кога ќе почне казнувањето, сопствениците на возилата ќе добијат платен налог, покана за глоба и записник за сторен прекршок- велат од МВР.

Забелешките на граѓаните дека не се обележани местата под видео надзор, од МВР се правдаат дека таблите ги тргаат несовесни граѓани.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk