Внимавајте на крадци и измамници!

 Од СВР Куманово ги советуваат граѓаните да внимаваат во престојниот период и додека се на одмор, да не оставаат вредни работи на видно место за да не бидат на мета на крадците.

Граѓаните да внимаваат како ги оставаат домовите, најдобро е да има некој кој ќе се грижи за нив. Доколку нема таков, заштита на врати, прозорци, осветлување на дворот за да не им дојдат неповикани гости. Сите ние сакаме некој да ни ја претскаже иднината и затоа да внимаваат на гатачи, кои гледаат на пари или на злато. Да бидат претпазливи во контакт со непознати лица. Има измамници кои нудат огревно дрво. Секој сака поефтино да ги набави, а на крај останува без пари - вели Виолета Богдановска, раководител на Одделот за превенција.

Богдановска додава дека измамниците на граѓаните им нудат предмети кои немаат никаква вредност, а и џебните кражби се зачестени бидејќи има раздвиженоста на луѓе.

Паричникот да не се носи во рака туку во џеб. Возилата да не се оставаат отклучени- советува таа.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk