Во четврток ќе се прска против комарци од земја

Општина Куманово во четврток ќе изврши терестичка дезинсекција на подрачјето на Куманово, за уништување на возрасни форми на комарци.

„Се известуваат граѓаните дека на 10.9.2020 година (четврток), во 01.00 часот, на територијата на општина Куманово ќе се изврши шесто терестично прскање против возрасна форма на комарци. Доколку временските услови не го дозволат вршењето на овој третман, дезинсекцијата ќе се изврши првиот ден кога временските услови ќе бидат поволни“, соопштуваат од општината.

Претходно, граѓаните на Куманово се пожалија дека има наезда на комарци во одредени делови на градот и дека не се прска со соодветни средства, по што од општината ги демантираа тие тврдења, потенцирајќи дека се прска со средство одобрено од Министерството за здравство и најавија ново прскање против возрасна форма на комарци, кое треба да се случи во четврток. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk