Во Куманово ќе се гласа на 167 избирачки места

 На 167 избирачки места ќе гласаат граѓани на Општина Куманово на престојните претседателски избори.

Од Општинската изборна комисија велат дека Куманово и Битола се најголеми изборни единици во државата, но бројот на членови во избирачките одбори во нашата општина е далеку поголем.

Комисијата интензивно работи на подготовките на изборите.

„Се тече во најдобар ред. Изминатиот месец беа ревидирани списоците на избирачките одбори, во тек се обуките на претседателите и замениците на претседатели од ДИК, а подоцна ќе започнет обуките на членовите на избирачки одбори, - изјави претседателот Звонко Николовски.

Од комисијата велат дека сеуште не ги сумирале резултатите и ја немаат точната бројка на гласачи во избирачкиот список, но според податоците од минатите избори бројката се движи околу 92.000 гласачи.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk