Во Куманово ќе се гради депонија во 2017 година

Регионалната депонија на североисточниот регион ќе се гради со сретства од ИПА фондовите на Европската унија.

Вака одлучил советот на градоначалници, кои имаат обврска до септември наредната година да ја завршат изработката на планот за управување со отпад, по што ќе алицираат со проект за изградба на регионална депонија.

Советот на градоначалници одлучи регионалната депонија да се гради со пари од ИПА фондовите, што е подолга, но посигурна процедура. Реално, со изградбата би се почнало во 2017 година. Управувањето со депонијата и услугата ќе биде јавна.- велат од Министерството за животна средина.

Во североисточниот регион спаѓаат општините Куманово, Крива Паланка, Старо Нагоричане, Кратово, Ранковце и Липково. Локацијата за депонијата не е одредена, но се планира да биде во селото Добрешане каде што се предвидува изградба на фабрика за горење на сметот.

 Во дел од регионите депониите ќе се градат со јавно-приватно партнерство и издавање под концесија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk