Во Куманово криминалот намален за 20 %

 Намален е бројот на кривични дела во Куманово.

Од полицијата тврдат дека во првите девет месеци од 2014 година на подрачје на СВР Куманово, пријавени се 1436 кривични дела. За истиот период во минатата година бројот изнесувал 1736 кривични дела. Тоа практично значи дека криминалитетот е намален за 17 одсто или дека се пријавени 300 дела помалку во однос на лани.

„Се работи за намалување класичниот криминал за 17,7 %,  тешки кражби 16,4 %, прекршоци од јавен ред и мир за 15 %, сообраќајни незгоди за 12 %, сообраќајни незгоди со смртни последици за 33,3 %.Минатат година во 12 сообраќајки загинале 19 лица, а годинава осум лица го изгубиле животот во исто толкав број на сообраќајни несреќи„ - велат од СВР Куманово.

Од вкупниот број на регистрирани кривични дела, 52 отсто се расветлени. Особено е зголемена ефикасноста во откривањето на кривични дела од недозволено поседување и продавање на дрога каде процентот изнесува 65,5 одсто.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk