Во Куманово наврна 44 литри дожд

Во изминатите 24 часа во Куманово наврнаа 44 литри дожд на метар квадратен, што е најголема количина во државата.

Како што информира УХМР, до осум часот утрово водниот талог достигна 36 литри на метар квадратен во Пожаране, 29 во Пожар и Лазарополе, 26 во Маврово, 25 во Берово, Крива Паланка и Дојран, 21 во Крушево, 20 во Претор и Ѓуриште, 19 во Струмица, 18 во Штип, Гевгелија и Виница, 16 во Охрид, 15 во Скопје Петровец и Тетово, 14 во Битола, 11 во Скопје Зајчев Рид, девет во Демир Капија и осум литри во Тополчани.

Најстудено е во Лазарополе, 1 степен, а максимални 10 степени се измерени во Штип, Скопје, Струмица, Дојран, Гевгелија и Куманово. Во Тетово е 9 степени, во Виница и Демир Капија 8, во Ѓуриште, Крива Паланка и Дебар 7, во Берово, Прилеп и Охрид 6, во Битола, Претор и Охрид, Тополчани и Пожаране 5, во Пожар 4, а во Маврово 2 степена.

Според УХМР, до крајот на денот врнежите ќе престанат. Ќе дува умерен повремено засилен северозападен ветер.

Утре се очекува променливо облачно време со повремен локален дожд и со умерен повремено засилен северен ветер. И во наредните денови ќе се задржи променливо облачно и релативно свежо време со повремени врнежи од дожд со послаб интензитет, а ќе има и услови за ретка појава на грмежи. До четврток ќе дува умерен, повремено засилен северен ветер.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk