Зачленете се во нашиот клуб на читатели и најновите текстови ќе ги добивате на вашата мејл адреса
Повеќе од 33 литри на метар квадратен дожд наврнаа во Куманово во текот на ноќта. Според податоците на Управата за хидрометеоролошки работи.
Иако на места обилни, поради изминатиот сушен период врнежите не предизвикаа поголеми зголемувања на водостоите на реките низ земјава.
„Во текот на денот, како и за време на утрешниот ден, повторно се очекуваат врнежи од дожд, но во помали количини и со нешто помал интензитет. Овие врнежи се очекува да ги зголемат водостоите на реките низ земјава, без опасност од појава на излевање на водата од речните корита на водотеците. После долгиот сушен период ќе бидат добредојдени за природните езера во земјава, а исто така и за подобрување на состојбата со вештачките акумулација и нивно извесно надополнување со вода“, соопштуваат од Центарот за управување со кризи.
Врнежите придонесоа за значително посвежо време- денеска не се очекуваат температури повисоки од 22 степени целзиусови. Дождот ќе продолжи и во текот на денешниот и во утринските часови утре, на места пообилни и поројни. Стабилизација на времето, и малку потопло време се очекува од попладневните часови во среда.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk