Во Куманово нема снег само студ

Снегот кој падна викендов се стопи, а останаа само ниските температури.

Малку снег се задржа на покривите и на осојничавите места, но улиците се чисти и проодни. Температурата утринава изнесувала -9 степени Целзиусови.

 Куманово засега нема снежна обвивка. Потребно е висината на снегот да биде над 1 цм за да се измери и евидентира. Во останатите градови снежната покривка е од 1 до 12 цм снег - велат од УХМР.

Од Општина Куманово информираат дека вчера во источната и западната зона во градот се фрлени вкупно 40 тони сол. Од РЦУК велат дека патиштата кон сите села во кумановскиот регион се проодни.

Нови врнежи од снег можно е да има утре и задутре. Според временската прогноза утре температурите ќе се движат до 2 степени, а во среда максималната дневна температура ќе биде до 5 Целзиусови степени. Утринските температури ќе бидат под нулата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk