Во Куманово се одбележа годишнината од раѓањето на Гоце Делчев

Во Кумановската гимназија денеска се одбележа 151- годишнината од раѓањето на патронот и великан на македонската револуционерна борба Гоце Делчев.

Пред бистата на Гоце Делчев, цвеќе положија претставници од училиштето, општинскиот одбор на Сојузот на борци, Здружението на армиски и полициски ветерани, Општина Куманово, Советот, претставници од политички партии, невладини организации и граѓани.

„Денеска за нас е многу значаен ден. Го одбележуваме раѓањето на нашиот патрон Гоце Делчев за којшто се гордееме што како училиште го носиме неговото име. Секогаш се водиме од неговата мисла и се бориме на сите полиња да бидеме најуспешни. Голема благодарност до нашите ученици, коишто и за оваа пригода денеска се организираа да ги покажат своите способности во творештвото“, изјави Марија Тодоровска, директорка на Гимназија „Гоце Делчев“.

 

На свеченоста настапија ученици со свои лични творби, како и оркестарот и хорот „Симфониум“ со песни за Гоце. 

Гоце Делчев бил идеолог, организатор и водач на македонското револуционерно националноослободително движење кон крајот на 19. и почетокот на 20. век.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk