Зачленете се во нашиот клуб на читатели и најновите текстови ќе ги добивате на вашата мејл адреса
Во УЈП Куманово во законски предвидениот рок до 16 март, поднесени се 19.045 годишни даночни пријави.
“Управата за јавни приходи благовремено ги известуваше граѓаните на обврската за поднесување на Годишна даночна пријава преку соопштенија, изјави, јавни повици. И покрај големиот број на Годишни даночни пријави кои изминатите неколку дена се поднесуваа до УЈП, не се регистрирани застои и поголеми чекања пред даночните шалтери“ - вели Сузана Стошевска Николовска, регионален портпарол на УЈП, Регионална дирекција Штип.
За неподнесување на Годишна даночна пријава во законскиот рок, на даночниот обврзник согласно Закон ќе му биде изречена глоба од 500 до 1000 евра, во денарска противвредност.
Според последните податоци во УЈП се примени вкупно 426.352 ГДП на ниво на држава, од кои 2.020 се поднесени преку е-даноци, а се чекаат да пристигнат и ГДП кои граѓаните ги доставиле преку пошта.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk