Зачленете се во нашиот клуб на читатели и најновите текстови ќе ги добивате на вашата мејл адреса
Во Библиотеката „Тане Георгиевски“ во Куманово денеска се одржа 23. по ред републички натпревар Млад библиотекар.
Најуспешни на натпреварот беа Ардита Зенку од Кичево, која го освои првотот место, второпласиран беше Андреј Петровски од Градско, а третото место го зазеде Анисија Петрушевска од Скопје.
На натпреварот учествуваа 25 ученици од основни училишта од различни градови од Македонија, а организатор е Библиотекарското здружение на Македонија.
Најбројни беа учениците од Скопје, а потоа од Струмица, Радовиш, Куманово, Градско и други градови.
„По одржаниот општински натпревар за млади библиотекари, најдобриот се пласираше за учество на национално ниво. Ова година Библиотеката „Тане Георгиевски“ од Куманово ја има честа да биде домаќин. Минатата година се одржуваше во Кочани, каде Матео Митевски од Куманово зеде прва награда“, истакна директорката Христина Алексовска.
На победниците им беа доделени дипломи, книги како награда и симболични ваучери од поддржувачите на ова манифестација. Пофалници добија и сите останати учесници.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk