Зачленете се во нашиот клуб на читатели и најновите текстови ќе ги добивате на вашата мејл адреса
Околу 12 милиони евра вложила Владата во инфраструктурни проекти во Куманово, кажа премиерот Христијан Мицкоски, при денешната работна посета на Куманово.
„Од централниот буџет, финансирани се проекти во вкупна вредност од 11 до 12 милиони евра овде во Куманово. Мислам дека е значајно, бидејќи досега такво нешто во општините не се случувало. Овие капитални инвестиции се токму во таа насока – да обезбедат подобар живот и подобри услови за живот на кумановци, како и на сите граѓани во Македонија. Повеќе за канализации, за асфалт, за патишта, булевари, за улици, за водовод итн. Така што, ние сме горди на тој проект, бидејќи со тој проект повеќе од 350-400 милиони евра ќе завршат во општините, вклучително со другите програми на министерствата“, кажа Мицкоски.
Премиерот потенцираше дека дел од проектите во општините што се финансирани преку унгарската кредитна линија веќе се отпочнати и завршени, дел се во тек на реализација, дел допрва ќе ја отпочнат, коишто ќе обезбедат подобри услови за живот на граѓаните.
При денешната посета на Куманово, Мицкоски во придружба на градоначалникот Димитриевски, како и повеќе министри, пратеници и директори, беше во Индустриската зона Речица, каде се гради диструбитивниот центар на ЛИДЛ, а ја посети и компанијата БДА.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk