Зачленете се во нашиот клуб на читатели и најновите текстови ќе ги добивате на вашата мејл адреса
Во Општа болница Куманово од денеска работат 24 специјализанти, од 15 разни медицински гранки.
Тие добиле решенија на неопределено време, а веќе се на своите работни места и ги извршуваат задачите. Со новите вработувања се воведуваат и нови услуги за пациентите.
„За прв пат во кумановскста болница ќе можат да се изведуваат интервенции од пластична и реконструктивна хирургија, вработен е еден специјализант од областа. Со останатите се подмладува и зајакнува хируршкиот, ортопедскиот, педијатриоскиот и многу други тимови. Задоволни сме, очекуваме дека со младите лекари ќе добиеме многу на квалитет на медицинската нега и здравствената услуга која ја пружаме на граѓаните“, истакна директорот Сашо Стошевски.
Вработени се: 1 специјализант по хирургија, 2 по ортопедија, 2 педијатри, 1 гастроентерохепатолог, 4 лекари по гинекологија и акушерство, 2 дерматовенеролози,, 1 ендокринолог, 1 специјализант- пулмолог, алерголог, 1 кардиолог, 2 доктори по интерна медицина, 1 на пластична и реконструктивна хирургија, 1 оториноларинголог, 1 офталмолог, 2 лекари по уролошка хирургија и 2 психијатри.
Огласот бил распишан за 28 специјализанти, но немало доволно пријавени анестезиолози, психијатри, дерматовенеролози и специјализанти по оториноларингологија. За вработување на лекари од овие гранки конкурсот ќе биде повторен.
Вработување на 600 специјализанти на државно ниво беше најавено кон крајот на јули, минатата година.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk