Зачленете се во нашиот клуб на читатели и најновите текстови ќе ги добивате на вашата мејл адреса
Во Агенцијата за катастра и недвижности Куманово од денеска функционира електронски скен -центар, преку кој сите документи кои ќе ги поднесуваат граѓаните ќе бидат скенирани и обработувани по електорнски пат.
Ова е една од крупните реформи што Катастарот ја прави се со цел да даде подбрзи услуги на граѓаните, а од друга страна е дел од еден голем процес, кој Агенцијата за катастар и недвижности го започнува. Секој документ што ќе влезе во катастраот ќе биде скениран од шалтерскиот службеник и по електорнски пат ќе биде дистрибуиран до референтот кој што електорнски ќе го обработува предметот. Тоа значи дека целокупната процедура во катастарот ќе се работи по дигитален пат.- изјави Славчо Трпески, директорот на Агенцијата за катастар и недвижности, при денешнатта посета на Куманово.
Според директорот ваквиот начин на работа ќе им ја олесни работата на вработените, а во исто време ќе заштеди време и хартија. Новина ќе биде воведувањето на електронски потпис и целосна дигитализација на архивата на Катастарот од околу 100 милиони страни.
Куманово е прв град каде се воведува ваквиот начин на работа, по две недели на ист принцип ќе започне со работа и во Скопскиот катастар а до крајот на годината во целата земја.
Целиот проектот чини 40 илјади евра, половина од сретствата се обезбедени од Светска банка.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk