Во кумановско ќе се засадат милион садници

 Во кумановско-липковскиот регион годинава Шумско стопанство ќе пошуми 300 хектари земјиште, со еден милион садници од сопствениот расадник.

Пошумувањето ќе се врши континуирано и ќе бидат засадени различни видови на садници.

“Ќе засадиме бел, црн бор, чемпрес, багрем и други дрвца. Ние сме подготвени, само се чека програма од Владата на Република Македонија и ќе одредиме локација каде ќе се врши пошумување. Оваа година имаме во план да пошумиме поголема површина од лани“ - изјави Ваит Саити, директор на “Шумско стопанство“.

Лани “Шумско стопанство“ пошуми 250 хектари во кумановско - липковскиот регион.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk