Во недела „Шопска свадба“ во Куклица

Во кратовското село Куклица на локалитетот Камени кукли, во недела ќе се одржи манифестацијата „Шопска свадба“.

На самиот локалитет Камени кукли пензионерите од Културно-уметничкото друштво „Ѓоко Симоновски“ од Куманово ќе ги презентираат обичаите на шопскиот дел од регионот.

“Годинава нема младенци, но манифестацијата ќе ја реализира целта на промоција и презентација на историското и културно наследство на жителите од Североистокот на Македонија. Оваа година ќе се одржи сценска адаптација „Шопска свадба“, во изведба на членови на Културно-уметничкото друштво „Ѓоко Симоновски“ од Куманово, - вели Драган Јакимовски, претседател на здружението „Етно ризница“, Куманово.

Во првите две години на одржување, настанот се одвиваше со цела свадбена церемонија, со младенци кои возобновувајќи ги старите обичаи, се венчаваа во традиционални носии од Североисточниот регион.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk