Во расадникот на „Шумско“ ќе бидат засеани над 500.000 садници

Во расадникот на „Шумско стопанство“ во март ќе бидат засеани од 500 иљади до милион садници.

Вработените ќе засеат зимзелени и листопадни дрвца кои по шест месеци ќе бидат подготвени за расадување и пошумување.

„Од зимзелените ќе има чемпрес, бидејќи тој се покажа како добар за нашето поднебје, издржува и суша и студено време. Потоа смрча затоа што е доста барано дрво, бел бор, а од листопадните ќе засееме багрем, јавор, јасен. Нашиот расадник ја снабдува цела Западна Македонија со дрвца“-вели Весна Темелковска, шеф на расадник.

Садниците кои ќе бидат засеани во текот на март, ќе можат да се расадуваат во октомври.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk