Во Речица поставени лежечки полицајци

 Од минатата недела на локалниот пат во селото Речица, поставени се легнати полицајци од асфалт.

Локалната самоуправа го исполни барањето на жителите, кои две недели протестираа и не ги пуштаа децата на училиште, заради небезбедност во сообраќајот.

Минатиот четврток беа поставени 6 лежечките полицајци, а од петок децата се вратија на училиште. Тоа беше единственото наше барање и сега сме задоволни. На главната улица која води од почеток до крај на селото има лежечки полицајци. Сега е побезбедно, нема брзо возење. Детето кое беше повредено е пуштено од болница, се опоравува и се надеваме дека ќе се биде во ред - вели Валентин Стоиловиќ, претседател на месна заедница во село Речица.

 Едно од барањата на жителите беше и препреките на патот да бидат од асфалт, а не од пластика или гума, кои возаите на камиони ги креша и отстрануваа.

 Речица се дигна на нозе пред првомајските празници, откако возач од Ваксинце удрил со автомобил десетгодишен ученик и побегнал од местото на несреќата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk