Зачленете се во нашиот клуб на читатели и најновите текстови ќе ги добивате на вашата мејл адреса
Евзи Селахи (50) од селото Опае утрово се здобил со прострелана рана во колкот откако во него пукал неговиот помлад брат Ељхан (38). Повредениот е пренесен во Ургентниот центар во Скопје, каде е задржан на лекување и се наоѓа вон животна опасност.
Инцидентот се случил околу 8 часот во м.в. Апостолска маала,во селото Опае кога двајцата браќа се скарале поради семејниот имот. Во еден момент расправијата прераснала во тепачака, по што постариот брат тргнал накај дома и почнал да фрла камења кон помалиот брат. Овој прво му возвратил, а потоа извадил пиштол што го поседувал без дозвола и почнал да пука кон него. Испукал три куршуми и го погодил во левиот колк, па со својот автомобил побегнал во непознат правец.
Случајот во полиција го пријавила ќерка на повредениот, која кажала дека чичко и пукал во нејзиниот татко.
Увид на лице место извршиа полициско-судски екипи кои пронашле две чаури и траги од крв кои се дадени на вештачење.
Полицијата трага по Ељхан, кој инаку и е познат извршител на кривични дела убиство во обид, телесни повреди и тешки кражби.
Пред два месеци е убиен најмладиот брат Шериф Салахи, кој беше пронајден во нива со жито во селото Ропаљце. Како причина за убиството се наведуваа нерашчистени должничко-доверителски односи со друго семејство од Ропаљце. Убиецот Р.Ј. е приведен во полицијата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk