Во стабилна состојба е пациентот од Кочани кој е сместен во Кумановската болница

Стабилен, мобилен и комуникативен е пациентот од Кочани, кој од неделата е згрижен во Општа болница Куманово.

Пружена му е потребната медицинска помош и нега, и будно се следи неговата состојба.

„Пациентот е во стабилна состојба, полека заздравува, а набиениците по телото се залечуваат. Не се препорачуваат посети затоа што сите изгореници се третираат како отворени рани во стерилна средина, иако кај него се констатирани изгореници од прв и втор степен, што практично значи црвенило на дел од лицето и надлактицата и неколку пликови“, објасни директорот д-р специјалист Стефан Трајановски.

Тој ги отфрли како шпекулации тврдењата дека лицето нема храна и вода. Поради безбедност и полесно заздравување не се дозволени посети, а добива три болнички оброци дневно и доволно течности.  

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk