Во СВР Куманово одбележан Денот на македонската полиција

Во СВР Куманово денеска беше одлежан 7 Мај - Денот на македонската полиција. По тој повод, делегацијa предводена од началникот Никица Петрушевски положи цвеќе пред споменикот на загинатите полицајци во Диво насеље.

„По повод 7 Мај - Денот на македонската полицијата, претставници од СВР Куманово положија свежо цвеќе на споменикот пред СВР Куманово подигнат во чест на загинатите припадници на македонската полиција, кои ги положија животите во вооружениот терористички напад во „Диво насеље“ во мај 2015 година“, соопштија од полицијата.

Централната прослава на МВР ќе се одржи во општина Аеродром, Скопје каде се најавени обраќања на министерот за внатрешни работи Панче Тошковски и дополнителниот заменик-министер за внатрешни работи Митко Бојмацалиев.  

На одбележувањето на Денот на македонската полиција ќе присуствуваат и претставници на дипломатскиот кор во земјата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk