Зачленете се во нашиот клуб на читатели и најновите текстови ќе ги добивате на вашата мејл адреса
ВМРО-ДПМНЕ го обвини раководството во СВР Куманово дека ги крши законите и прописите во МВР и незаконски разрешува и деградира професионалци, а на нивно место поставува корумпирани кадри со сомнителни досиеа, кои добиваат високи плати од 1000 евра.
„За хаосот кој владее таму вчера преку писмо испратено до неколку медиумски куќи реагираа деградираните професионалци кои со години работат и кариерата ја граделе чекор по чекор. Во писмото е наведен и пример за СВР Куманово, како класично е прекршен Законот и системот на кариера за цели 5 скалила при именувањето на новиот началник од СДС, Стојанче Величковиќ. Имено од сменоводител во ГП Белановце е поставен за началник на превенција, а потоа унапреден и именуван за началник на СВР Куманово, што во овој случај од дефинираниот систем на кариера е противзаконски унапреден за 6 скалила. Најголемо дно е тоа што во писмото се тврди дека професионалците биле принудени сами да си потпишат барања за доброволни разрешувања и прераспределувања на пониски места со цел да се избегне оптужувањето на решенијата пред суд, - изјави Срѓан Ивановски, портпарол на општинскиот комитет на ВМРО-ДПМНЕ.
Тој го повика министерот Оливер Спасовски да ги врати професионалците таму кадешто припаѓаат, да ја чуваат безбедноста и стабилноста на улиците, државата и граѓаните.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk