Во Жегљане ќе се одбележи 71 година од формирањето на “Трета МУБ“

Општинската организација на Сојуз на борци Куманово на 26 февруари во основното училиште во село Жегљане, ќе го одбележи денот на формирањето на “Трета македонска ударна бригада“.

Бригадата била формирана на 26 февруари 1944 година од два кумановски и еден преспанско битолски баталјон.

“На одбележувањето на овој настан покрај оддавањето на заслужената почит на загинатите борци од “Трета МУБ“, ќе има и прогоден говор за тогашната воено - политичка состојба, на тој терен и за борбениот пат на бригадата. Ќе бидат поканети претставници на локалната самоуправа Куманово, Старо Нагоричане, АРМ, Здружението на армиски и полициски ветерани, Здружението “Нада Михајлова“ и други„ - вели Благе Јакимовски, секретар во Сојуз на борци Куманово.

Граѓаните кои сакаат да присуствуваат на настанот, во понеделник, вторник и среда можат да се пријават во просториите на Сојузот во комитет.

На 26 февруари во 10 часот, борците и граѓаните со организиран превоз  ќе заминат во Жегљане.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk