Зачленете се во нашиот клуб на читатели и најновите текстови ќе ги добивате на вашата мејл адреса
Љубителите на уметноста во Куманово во среда ќе имаат можност да уживаат во новото ликовно издание на Биљана Јовчевска.
Во Занаетчискиот дом, со почеток во 19 часот, ќе биде отворена нејзината втора самостојна изложба под наслов „Вода“.
Публиката ќе може да погледне 31 слика – пејзажи со мотиви од природата, изработени во техника акрил на платно. Делата се создадени во изминатите неколку години и, како што најавува авторката, ја носат инспирацијата од постојаното движење, смиреност и сила што ја симболизира водата.
Изложбата ќе ја отвори ликовниот уметник Александар Стефановски, кој ќе говори и за уметничкото патување и стилот на Јовчевска.
Настанот е дел од програмата „Ноемвриски денови“ и се реализира со поддршка на Фондацијата за култура и спорт.
Изложбата ќе биде отворена до 24. ноември.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk