Зачленете се во нашиот клуб на читатели и најновите текстови ќе ги добивате на вашата мејл адреса
Волонтери од Црвен крст, претпладнево тргнаа со велосипед од салата Соколана кон Зебарњак.
Со рекреативното возење волонтерите ќе го одбележат денешниот ден 8 Мај - Денот на Црвениот Крст и Црвената полумесечина. Во акцијата се вклучија 15 волонтери, кои на велосипед ќе поминат 12 км.
- Волонтерите ќе се дружат, ќе го покажат својот спортски дух и заедно ќе поминеме еден убав ден. На младите сакаме да им покажеме дека не е се во интернет, фејсбук, дискотеките, дека и на друг начин можат да се забавуваат, спортуваат, а со тоа да ја заштитиме нашата животна средина - вели Филип Кузмановски, волонтер.
Волонтерите велат дека честопати практикуваат да возат велосипед и на сите останати им препорачуваат почесто да се дружат со велоспедот.
- Одам до Старо Нагоричане, Зебарњак, Проевце, Градски кеј. Барем 3 пати во месецот возам на подалечна релација. Тоа е здраво, добро за кондиција и енергија - рече Душица Панчевска, волонтер.
На акцијата се приклучија и неколку граѓани кои дознале дека ќе има рекреативно возење со велосипед.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk