Вонредна седница на Советот за загадувањето во Куманово

Советот на општината Куманово денеска во 12 часот ќе одржи вонредна седница на која единствена точка на дневен ред ќе биде загадувањето во Куманово.

Претседателот на Советот Александар Арсиќ ја свика седницата по барање на ВМРО-ДПМНЕ, кои вчера преку медиумите апелираа да се одржи седницата. На седницата ќе се донесат заклучоци како ќе се дејствува понатаму за да се надмине проблемот.

Предпладнево беше одржана координација со претсавници на советничките групи на која присуствуваше и градоначалникот и претставник од службите за заштита на животната средина.

Повеќето координатори и администрацијата побараа седницата да се одржи по празниците, бидејќи снегот го намали загадувањето, што не беше прифатено.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk