Возачките дозволи со старото име ќе важат до крајот на годината, Собранието ги усвои измените на законот

Собранието попладнево ги усвои законските измени на Законот за безбедност на сообраќајот на патиштата, со кои наместо до вечерва на полноќ, возачките дозволи со „Република Македонија“ ќе може да се заменат до 31 декември 2024.

Според измената во Членот 5 на Законот, „Возачките дозволи и возачките книшки, кои го содржат натписот ‘Република Македонија’ издадени до денот на започнувањето на примената на овој закон, ќе важат до истекот на рокот на важење кој е наведен во возачката дозвола, најдоцна до 31 декември 2024 година“.

Законските измени се на предлог на пратениците Никола Мицевски, Мартин Костовски, Вјолца Адеми, Аднан Незири, Димитар Апасиев и Павле Трајанов, а на 114 пленарна седница беа поддржани од сите пратеници присутни во салата, односно со 89 гласа „за“ и без ниеден „воздржан„ и „против“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk