Зачленете се во нашиот клуб на читатели и најновите текстови ќе ги добивате на вашата мејл адреса
Во населбите Средорек, Бавчи, Перо Чичо и Стари лозја, речиси секое попладне или рано на сабајле се подигаат густи облаци од чад од запалени гуми и електрични кабли.
Отровниот матерјал го пaлат собирачите на отпад, за да ги извадат челичните сајли и бакарот, кој потоа го продаваат на откупните пунктови за метал. Со тоа го загадуваат воздухот во целиот град, а особено на булеварот Октомвриска револуција, кој е најниска точка.
Граѓаните постојано реагираат и бараат од надлежните да го решат овој проблем.
„Денеска попладне чади повеќе од час и половина во населбата Средорек, на една од неколкуте локации кои и ние граѓаните ги знаеме. Тоа можете да го видите на сликата. Се тврди дека Куманово се загадува од фабрика во Прешево и ќе се бара одговорност, а кога ќе одговараат загадувачите од нашето маало“, вели сограѓани кој ни ги прати фотографиите.
Куманово со години наназад е на врвот на најзагадени градови во земјата. Во зима од користењето на неквалитетни дрва и разни матерјали за затоплување на домовите, а лети исклучиво од палење на гуми и друг матерјал од отпад, но и поради прашината од неасфалтираните и раскопани улици.
Во последните десетина дена во Куманово се шири неподнослива миризба, кој ги труе граѓаните. Надлежните инспекциски служби тврдат дека тоа е од фабрика во Прешево, бидејќи не откриле други загадувачи во градот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk