Вучиќ утре на Табановце ќе му ги предаде вакцините на Заев

 Српскиот претседател Александар Вучиќ утре на граничниот премин Табановце, ќе му ја предаде на премиерот Зоран Заев првата пратка вакцини против ковид-19, соопшти Владата.

Станува збор за пратката од 8.000 вакцини на „Фајзер“.

На примопредавањето ќе присуствува и министерот за здравство Венко Филипче.

Претходно денеска, Заев најави дека е можно утре земјава да ги добие првите вакцини.

„Секој ден се надеваме вакцините час поскоро да стигнат во земјава. Имаме најави дека може и утре да стигнат првите дози, но тоа не е уште сигурно, точно ќе знаеме попладне“, кажа Заев.

Премиерот додаде дека кинеската „Синофарм“ се очекува да стигне на 15 или 16 февруари и дека во текот на денешниот ден ќе биде извршено плаќањето, по што ќе се договори транспортот.

(извор.сдк.мк)

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk