За 7,4 проценти ќе поскапи струјата, соопшти Регулаторната комисија

Цената на струјата од први јули ќе поскапи во просек за 7,4 проценти, соопшти претседателот на Регулаторната комисија Марко Бислимоски на денешната прес-конференција. Како што кажа Бислимоски, ова зголемување од 7,4 проценти ќе биде за 98,8 проценти од домаќинствата во земјава.

„Секое домаќинство ќе плаќа различна цена според блоковите. За 59,9 проценти од домаќинствата ќе има зголемување од 6,6 проценти, за 35,5 проценти од домаќинствата зголемувањето од 6,7-8,8 проценти, за 3,4 проценти поскапувањето ќе биде од 8,8-11,2 проценти, за 1,2 проценти зголемување од 11,4 проценти, а за оние кои се екстремни потрошувачи поскапувањето ќе биде 99 проценти“, рече Бислимоски.

Тој кажа дека зголемувањето на цената на струјата ќе било многу поголемо односно 17,74 проценти ако не беа воведени блок тарифите за потрошена струја. 

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk