Зачленете се во нашиот клуб на читатели и најновите текстови ќе ги добивате на вашата мејл адреса
Бирото за вработување спроведува активности кои се во интерес на невработените со цел тие полесно да се снајдат на пазарот на трудот.
На оглас се пријавуваат невработените и фирмите кои се заинтересирани за проектот, по што Бирото за вработување воспоставува контакт меѓу нив. Фирмите бираат на кој од потенцијалните кандидати ќе му понудат практична работа во рок од 3 месеци. За истиот период практикантите добиваат надомест преку Бирото за вработување.
Пасивни се невработените. Треба да бидат поажурни и да ги следат огласите, односно активно да ја бараат работата. Ако некој практикант се наметне и добро се покаже, тој може со работодавецот да заснова работен однос - вели Благе Јакимовски, раководител на Центар за вработување.
Тој додава дека за невработените се организираат бесплатни обуки по странски јазик, компјутери, сметководство и друго. Преку европските проекти се субвенционираат работодавци кои склучуваат договор на 3 или 6 месеци со обврска и потоа да го задржат работникот на работното место.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk