Забавен парк и тоалети за учениците во Умин Дол

Нови тоалети и детски забавен парк доби основното училиште „Карпош“ во село Умин Дол.

Проектот е финансиран од Британската амбасада и општина Куманово, а чини 3,5 милиони денари.

 „Два милиони денари обезбеди МЦМС, а 1,5 милиони денари општина Куманово. Врз основа на мислењето на жителите направиме проектот за приклучување на санитарните јазли за училиштето и за партерно уредување и уредување на забавен парк за младите. Ова училиште прв пат за десет години има запишано 23 ученици во прво одделение што покажува тенденција дека се враќа младоста во овој дел на Куманово“,- изјави градоначалникот на општина Куманово, Зоран Дамјановски.

Владимир Јовановиќ, директор на училиштето вели дека со овој преокт ќе се  обезбедат услови за престој и рекреација на учениците.

 „Овде учат деца не само од Умин Дол, туку и од Ново Село и Љубодраг. И вработените и децата се пресреќни што по толку години конечно добивме нов санитарен јазол, училишниот двор е поплочен и учениците ќе можат да го користат игралиштето“, - изјави Јовановиќ.

 Проектот од МЦМС се релизира откако беа одржани повеќе средби со жителите на Умин Дол кои ги одредија приоритетите за решавање на проблемите во селото.

Селото Горно Којнаре од истиот прокт доби асфалт на две улици во селото.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk