Задружниот дом во Младо Нагоричaне ќе стане туристичко биро

Интензивно се рaботи на реконструкција на поранешниот Задружен дом во село Младо Нагоричане, општина Старо Нагоричане, кој треба да прерасне во туристичко биро.

Во реновираните простории ќе се одржуваат  и секаков вид на манифестаци, презентации, изложби, ликовни колонии и др.

Реконструкцијата е дел од проектот „Изградба на мост на туризам“ кој се спроведува во рамки на прекугранична соработка на општините Старо Нагоричане и Рила од Р.Бугарија, преку ИПА програмата,

„Општина Старо Нагоричане со пренамена на објектот во туристичко биро ќе создаде услови посетителите на нашата Општина да се информираат за природните богатства и културно-историските споменици кои можат да ги посетат. Ние имаме бројни дестинации кои се интересни како за туристите од Македонија, така и за странските туристи. Тука е Кокино, Црквата Св.Ѓорѓи во с.Старо Нагоричане, голем број споменици, природни убавини. На овој начин ќе се обидеме да го развиваме туризмот и да го искористиме туристичкиот потенцијал“ - изјави Давор Арсиќ, од Општина Старо Нагоричане.

Новотот туристичко биро има одлична местоположба, се наоѓа на коридорот 8  на крстосница со две соседни држави Бугарија и Србија, што е особено значајноа развој на туризмот, поради пристапните патишта и близината за туристите кои го посетуваат овој регион.

Реконструкцијата на поранешниот задружен дом во Младо Нагоричане е со инвестициска вредност од 274.000 евра, а проектот треба да се заврши до октомври, годинава.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk