Жаклина Јовановска кандидат за градоначалник на СДСМ за Старо Нагоричане

Жаклина Јовановска е кандидат за градоначалник на СДСМ во општината Старо Нагоричане. Одлуката синоќа ја соопштил лидерот Зоран Заев на централниот одбор на партијата.

 „Сакам да изразам огромна благодарност до мојата партија СДСМ поради укажаната доверба да бидам кандидат за градоначалник во општина Старо Нагоричане на претстојните локални избори. Честа и задоволството е огромно, убедена сум дека ќе ја оправдам довербата и ќе оствариме победа, а општината Старо Нагоричане ќе биде поубаво место за живеење“, - напиша Јовановска на својот фејсбук профил.

Јовановска е вработена во ЈП „Чистота и зеленило“, член е на ЦО на СДСМ, беше претседател на општинската организација на СДСМ  во Старо Нагоричене и два мандати советник во Советот на општината. Неколкупати беше кандидат за пратеник на листата на СДСМ во втората изборна единица.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk